Joan den ostegunean, urriaren 1ean, AMPEAk bere urteroko gala egin zuen Europa Jauregian, lau emakume arabarren eta Teresa De Jesús Ibarrondoren (hil osteko omenaldia) lana aintzatesteko. Sarituak hauek izan dira: Olaia Gómez, Izaskun Orive, Edurne Rujas eta Zuriñe Ortiz de Latierro
AMPEA irabazi-asmorik gabeko erakundea da, eta bere helburua da Arabako Lurralde Historikoko sektore guztietako emakume enpresaburu, zuzendari eta profesionalen talentua eta lidergoa babestea, defendatzea eta sustatzea.
Lehiaketak lau kategoria ditu, hainbat arlo hartzeko eta emakumeak hainbat esparrutan duen zeregina ikusgai jartzeko
Olaia Gómez – “Emakume enpresaburua”
Olaia Gómez Data Value Management enpresaren sortzaile kidea eta CTO da. Enpresa adimen artifiziala enpresentzako balio-informazio bihurtzean espezializatuta dago. Zuzendaritza teknikoaz, proiektuen garapenaz, ikerketaz eta ETL prozesuen, datuen tratamenduaren eta ikaskuntza automatikoaren arloko prestakuntzak emateaz arduratzen da.
Izaskun Orive – “Emakume ekintzailea”
Izaskun Orive AidTec Solutions startup arabarreko sortzaile kidea, COO eta Negozio Garapeneko eta Marketineko arduraduna da; startup horrek sentsorika, digitalizazioa eta adimen artifiziala aplikatzen dizkio ardogintzaren sektoreari. Oribek hainbat sari lortu ditu bere teknologia berritzaile eta puntakoarekin; horien artean, adimen artifiziala hobekien barneratzen duen proiektuaren Data Value Management sari berezia, Zure Ideiak Balio du 2025 lehiaketan.
Edurne Rujas – “Emakumea eta zientzia”
Edurne Rujas Ikerbasque Research Fellow da EHUko Farmazia eta Elikagai Zientzien Sailean. Munduko hainbat zentrotan izan da bere ibilibide profesionalean zehar, bere ikerketa helburu terapeutikoak dituzten antigorputzen ingeniaritzan zentratzen da. Zehazki, Euskadira itzuli zenetik, minbiziaren kontrako belaunaldi berriko bioterapia diseinatzen lan egiten du.
Zuriñe Ortiz de Latierro – “Emakume zuzendaria edo profesionala”
Zuriñe Ortiz de Latierro kazetaria EL CORREOko zuzendaria da 2018tik, baina 30 urte baino gehiagoko ibilbidea du sektore honetan. Ortiz de Latierrok kazetaritza-proiektu eta gizarteari lotutako proiektu asko bultzatu eta zuzendu ditu: Kulturako eta Gizarterako burua Vocenton, edo kidea Minbiziaren Kontrako Elkartearen Arabako Probintzia Kontseiluan.
Teresa De Jesús Ibarrondo, ekintzailetzaren erreferentea
Teresa De Jesús Ibarrondori hil osteko omenaldia egin zioten galan, Gasteizko tokiko merkataritzan izandako ibilbide luzeagatik. Ibarrondo hiriaren erdigunean zegoen Ibarrondo perfumeria berejabea izan zen. Bere ibilbidean zehar joera berrietara egokitu zen, bezeroekin konektatu zen, eta hiriaren eta tokiko merkataritzaren esentzia mantentzea lortu zuen.
