Helburua? Aiarako eskualdeko enpresa hornitzaileak eta laguntzaileak garatzea, eta batez ere industriara bideratutako start-up-en sorrera, inkubazioa eta azelerazioa sustatzea.

Arabako Foru Aldundiak, Laudioko eta Amurrioko udalek eta Aiarako Kuadrillak Aiara Industrial Lab berrikuntza zentroa aurkeztu zuten joan den astean. Helburua Aiaraldeko (Araba) industriaren garapenean eta eraldaketan laguntzea da.

Egoitza Amurrion egongo da eta inguruko behar espezifikoetara bideratutako prestakuntza eskainiko da. Gainera, startupak sustatzeko, sortzeko, inkubatzeko eta bizkortzeko lan egingo da, Arabako Aldundiak ohar baten bidez jakinarazi duenez.

Bestalde, Ekonomiaren Garapen, Berrikuntza eta Erronka Demografikoko diputatu Pilar García de Salazarrek nabarmendu zuen Aiara tradizioz motor ekonomikoa izan dela probintzian bere industria indarrari esker, eta orain industria «berrasmatzen» ari dela eta eskualde horrek «eraldaketa prozesu horren abangoardian» egon behar duela. EFE