Joan den ostegunean, irailak 17, “Aukeren lurraldea” sariak ospatu ziren Armiñon Jauregian. Caixabank eta Rural Citizenek bultzatutako deialdi honen irabazleak Hazten eta Jolasten bizitza bizitzen (Dulantzi), BurgeLur (Burgelu), La Benta (Mendijur, Barrundia) eta Milagros a Lurdes (Zuhatzu Kuartango) dira. Proiektu bakoitzak 1.000 € eta aholkularitza eta prestakuntza jaso zituen bere negozioa aurrera eramateko.

Irabazleak aurkeztutako 13 hautagaitzen artean aukeratu ziren. Gainera, sarituak “El reto” saioan parte hartuko dute, eta 220 proiekturekin lehiatuko dira. Horietatik 20 aukeratuko dituzte finalerako. Herritarrek modu aktiboan parte hartu ahal izango dute, horien argitalpenak komentatuz eta partekatuz, estatuko lehiaketari begira ikusgarritasun handiagoa lortzeko.

Ekintzaileek beren proiektuak gehixeago kontatzeko aukera izan zuten sarien jardunaldian. Arabako herrietan proiektu berritzaileak bultzatzearen garrantzia nabarmendu zuten, eta, jakina, landa-ekintzailetzarako mota horretako deialdiek ematen dituzten ikusgarritasuna eta hazteko aukerak.