Vanessa Gómez Digitalización Centro de Estética DGV proiektuaren zuzendaria da, zeina estetika-zentro tradizional bat teknologia berriekin uztartzean baitatza.

Proiektuak merkataritza eta turismoko Gasteiz On saria, merkataritzaren eta turismoaren eremuan garatutako proiektu onena aintzatesten duena, irabazi zuen.

Horri buruz gehiago jakiteko, Vanesa Gómez elkarrizketatu dugu.

Araba Ekinean (AE): Nola laburbilduko zenukete zuen proiektua esaldi batean?

DGV Digitalización Centro de Estética (D): Estetikaren eta teknologiaren arteko konbinazioa, berritzaileak eta ikusmenaren aldetik erakargarriak diren irtenbideak sortzeko, ikuspegi praktikoarekin eta emaitzetara bideratuta.

(AE): Nola sortu zen ideia?

(D): Ideia hobby handi bat eta lanbide bat fusionatzetik dator: estetikaren sektorea eta bertako esperientzia, industria digitaleko ingeniaritzako prestakuntzarekin eta lanbide-garapenarekin batera. Horrela, tratamendu tradizionalak teknologia berrien laguntzarekin sendotzea lortzen da, eraginkortasun handiagoa ekarriz eta zerbitzuei balio gehigarria emanez. Halaber, bezeroek esperientzia berria eta paregabea bizitzea lortzen dugu eta, horrela, pertsonek eta teknologia berriek egunero elkarri gero eta gehiago eragitea sustatzen dugu.

(AE): Zer puntutan zaudete?

(D): Proiektuaren garapen-puntua nahiko aurreratuta dago: proiektuaren ideia duela hiru hilabete sortu zen eta gaur egun badaukagu lokala eta hura prestatzeko fasean gaude, uda honetan negozio-estrategiaren lehen zatia hasteko eta lokala irekitzeko.

(AE): Zer helburu lortu nahi duzue urtebeteko epean?

(D): Aurten, helburua bezero potentzialak erakartzean ardaztea da, marketin-estrategietan arreta berezia jarrita, eta, datorren urteari begira, teknologia berriak ezartzeko eremuan lan egiten hasiko gara, proiektuak Bic Arabarekin eta Aldundiarekin batera garatuz.

(AE): Zer aholku jaso nahiko zenuketen proiektua hasi zenutenean?

(D): Jaso nahiko nukeen aholkua beldurra alde batera uztea eta jauzi egitera ausartzea da. Inoiz ez dago ekiteko edo negozio bat irekitzeko denbora zenbatetsirik edo data zehatzik; bihotzak eta seigarren zentzumenak esaten dizutenean egin behar da. Prokrastinatzeak goian hegan egiteko edo beheraino erortzeko unea atzeratzeko besterik ez du balio eta, beraz, berriz altxatzen ikasi beharra geroratzen du.

(AE): Zer ekarri dio proiektuari «Zure Ideiak Balio Du» lehiaketako aintzatespenak?

(D): Zure Ideiak Balio Du lehiaketako irabazlea izateak energia-txute handi bat eta nire proiektuan aurrera egiteko gogoa ekarri dizkit. Edozer gertatzen dela ere ausartzea erabaki zuzena dela berretsi dit.