Teknologia konplexuko metalezko piezak bizkor eta kostu gutxirekin 3Dn inprimatzea ahalbidetzen duen fabrikazio gehigarri metalikoko zerbitzua da iMet-3D, eta Millán García Alonso dugu enpresaren sortzailea.

iMet-3D azken belaunaldiko fabrikazio gehigarri metalikoko zerbitzuak eskaintzen dituen enpresa bat da, horretarako LMD-WP (Laser Metal Deposition / Wire&Powder) teknologia baliatuz, ingeniaritza alderantzikatuko zerbitzuekin indartuta. Industria-ekimen onenaren Michelin Saria lortu zuen ideiak.

Proiektuari buruz gehiago jakiteko proiektuaren sortzaile Millán García Alonso elkarrizketatu dugu.

Araba Ekinean (AE): Nola laburbilduko zenukete zuen proiektua esaldi bakar batean?

iMet-3D (I): Azken generazioko fabrikazio gehigarri metalikoko zerbitzuak eskaintzen ditu iMet-3D enpresak, geometria konplexuko metalezko piezak bizkor eta kostu gutxirekin 3Dn inprimatzeko aukera erabiltzaile guztien eskueran jarriz.

AE: Nola sortu zen ideia?

I: Millán García egiten ari zen ingeniaritzako masterreko ikasketa batzuen mintegiaren harira sortu zen ideia, non fabrikazio gehigarriko egungo prozesu guztiak ezagutu ahal izan zituen. Prozesu horiekiko interesa hazi egin zen, zehazki metalaren sektorearentzat, non egiaztatu ahal izan genuen merkatu-nitxo bat zegoela eta, hori horrela, fabrikatzaileekin kontaktatzen eta fabrikazio gehigarriko azoketara joaten hasi ginen, azkenean teknologia lehiakor bat aurkitu genuen arte, arlo ekonomikotik begiratuta, eta apurka-apurka hasi ginen gaur egun dugun enpresa-ideia garatzen.

AE: Zer puntutan zaudete?

I: Gaur egun eratuta dugu enpresa eta gure instalazioen eraikuntza hasten ari gara, beharrezko makineriaren erosketa prestatzen dugun bitartean.

AE: Zein da zuen helburua urtebetean?

I: Gure helburua da urtebetean iMet-3D, metalezko fabrikazio gehigarria, eta teknologia eta eskaintzen dugun zerbitzua ezagutaraztea, ondo ezagutzen ditugun bezeroekin hasita eta pixkanaka zabalduz ipar-eremuan pieza konplexuen fabrikazio-prozesu berri hau berenganatu ahalko luketen enpresa edo erakundeetara, eta metalezko fabrikazio gehigarriko erreferentziazko enpresa gisa sendotzen hastea.

AE: Zer aholku gustatuko zitzaizuen jasotzea proiektuarekin hasi zinetenean?

I: Ideiatik errealitatera prozesu bat dagoela ulertzea, eta pazientzia eta konstantzia eskatzen du prozesu horrek. Zorionez, hasieratik burutu ditugun faseetan Arabako Merkataritza Ganberaren eta BIC Araba Arabako Enpresa eta Berrikuntza Zentroaren laguntza eta aholkuak izan ditugu.

AE: Zer eman dio proiektuari “Zure ideiak balio du” lehiaketaren errekonozimenduak?

I: Ondo egindako lanari eta ideiaren bideragarritasunari lotutako poztasun izugarria eragin digu errekonozimendu honek, eta proiektuari agerikotasun oso handia eman dio Araban.