Berriak

“Zure ideiak balio du” Lehiaketan parte hartzeko arrazoiak
February 4, 2018
Ekin Breakfast: gosaltzea ekintzailetzari buruz hitz egiten dugun bitartean
February 15, 2018

Enpresa Azoka: pizgarri berria Arabako ekintzailetzarako

Gimnasio alternatiboak, natxoak saltzen dituzten enpresak, bizikletetarako argiak, pastelgintza ekologikoa, aztura osasungarrien tailerrak, kandelak, lanparak….. Horiek dira Arabako zortzi ikastetxetako LHko ikasleek sortutako 35 enpresek saltzen dituzten produktu eta zerbitzuetako batzuk. Gaur, #alavaemprende ekimenaren Enpresa Azokan erakutsi eta saldu dituzte.

Bertan jokatu dute, ringaren erdian, enpresa-borrokaldia, zeinean ikasleek beren proiektuak defendatzen zituzten minutuko iraupena zuen speech batean. Gasteizko Udalaren, BIC Arabaren eta Metxaren ordezkariak zituen epaimahai batek aukeratutako finalistak hiru izan dira: Bakeology Gasteiz, Includep eta Phoneland.

Lehenengoa pastelgintzako produktu ekologikoak egiten dituen enpresa da; bigarrenak gizarteratzera bideratutako hainbat zerbitzu eskaintzen ditu; eta Phoneland, aldiz, telefono mugikorren alokairuan aritzen da. Horiexek dira Araba Ekinean ekimenean apirilaren 19an parte hartuko duten hiru finalistak. Hiruetako batek saria jasoko du “Zure ideiak balio du” lehiaketaren markoan.

“Ikaslan” programaren barruan dago ekimen hori, eta maila ertaineko eta goi-mailako ikasleek enpresa bat sortzeko aukera dute programa horri esker, horretarako prestakuntza eta tutoretzak jasota. Horrela, jende guztiak hurbiletik ikusiko du ikasle gazteen sormena eta espiritu ekintzailea.